Nesta ocasión será dentro do evento que organiza o Concello de Arteixo baixo o fermoso título de 'Por amor ao canto' a Arteixo, unha xornada dedicada á música tradicional galega. O evento terá lugar o venres 14 de febreiro na Praza do Balneario a partir das cinco da tarde con acceso libre. Os grupos de canto e pandeireta das actividades sociais do concello serán os encargados de abrir a actuación, nunha celebración do talento local e da tradición musical. Silvia Penide será a responsable de pechar o acto interpretando as súas cancións e algunha versión. Promete tamén colaboracións sorpresa.

Nos vindeiros meses a cantautora ten como proxectos xa moi avanzados o lanzamento dun novo libro para público infantil, outro para poñer en valor unha profesión tan digna como outra calquera pero moitas veces denostada e celebrar os últimos concertos da xira "Mientras dura el aplauso" que serviu para festexar os seus 20 anos de carreira musical sobre os escearios de varios países do planeta e os galegos moi especialmente. Estará en Madrid o 8 de marzo.