Un evento que reunirá a uns 200 mozos e mozas para lanzar unha mensaxe a través do deporte que máis paixóns esperta no mundo.

O Club Deportivo La Torre organiza o torneo no que tamén participarán o Club Deportivo Ciudad Esclavas, o Club Eirís, o Club Ural e o Atlético Los Castros.

O evento comezará ás 18:00h nos campos 2, 3 e 5 da Cidade Deportiva da Coruña. Os partidos, de entre 15 e 20 minutos de duración, disputaranse nas categorías de prebenxamíns, benxamíns e alevíns.

O torneo, enmarcado na programación da 3ª Marcha Mundial pola Paz e a Non Violencia en A Coruña, rematará ao redor das 19:00h coa creación dun símbolo humano da paz, como reivindicación para que cese a violencia en todo o planeta. Colaboran no evento o Concello da Coruña - AFAC, a Federación Galega de Fútbol e a Fundación Emalcsa.