O vídeo resume os mellores momentos deste festival comprometido coa paz, a nonviolencia e a transformación social a través da arte, celebrado o pasado 23 de novembro no Centro Social Ágora, organizado por Mundo Sen Guerras e Sen Violencia A Coruña. Próximamente saberemos tamén cando se estreará o documental completo.

A segunda edición do festival foi unha explosión de creatividade e compromiso, cunha ampla representación do talento galego. Máis de trinta artistas uníronse para reivindicar, a través da música, a pintura e a poesía, un mundo libre de violencias.

Desde as 17:15h, o Ágora abriu as súas portas para dar paso a unha tarde inesquecible. Ás 17:30h tivo lugar unha visita guiada pola exposición de arte, onde presentaron obra 14 artistas plásticos:

• Roke Armas
• Alfonso Caparrós
• elchano
• Chelo Facal
• Alba Fiamma Art
• Alberto Franco
• Maica Gómez
• Mohamed Saïd Hamdad
• Roiayer
• Lola Saavedra
• Bego Tojo
• M. Touzón
• Gosia Trebacz
• Xulia Weinberg

A programación continuou cun evento en directo a partir das 18:00h, presentado por Estela López e Ricardo Sandoval, no que participaron:

• Ramiro Edreira
• Xawar
• Marmo Trazos
• Kreze
• Banda percusión DiversidArte

Como agasallo final, cada persoa asistente recibiu un poema orixinal, cedido por 16 autoras e autores:

• María Teresa Fandiño Pérez
• Alba Fiamma Art
• Eva Fórneas Braña
• Frases Para una Vida
• A. Garci
• Sara M. Bernard
• Alba Mac
• Gema Millán
• Iria Moliner
• Héctor Quijano
• Tamara Rademacher
• Beatriz Ramón Iglesias
• Rilin
• María Villar Portas
• Tania Yáñez Castro

Este festival formou parte da programación da 3ª Marcha Mundial pola Paz e a Nonviolencia, un movemento internacional que percorre o planeta para esixir o fin de todo tipo de violencia e a defensa dos dereitos humanos. Precisamente, o 23 de novembro, A Coruña recibiu a visita do Equipo Base desta Marcha Mundial, reforzando así o valor global deste encontro.

O tráiler que se estrea este luns será unha mostra audiovisual da emoción vivida ese día, co obxectivo de seguir espallando a mensaxe de paz, nonviolencia, creatividade e compromiso que define o Nonviolencia Activa Fest. Poderase ver nas redes sociais de Mundo Sen Guerras e Sen Violencia A Coruña.

A arte pode cambiar o mundo. Este tráiler é unha invitación a seguir crendo niso.