O barrio como realidade social é unha actividade que subliña o interese do colectivo veciñal da Agra de recuperar o movemento popular, a organización desde abaixo, como ferramenta de traballo para que a veciñanza se converta nun actor da política municiapal que reclame atención para os seus barrios.

O sociólogo Moncho Branco é o encargado de dinamizar estas xornadas sobre movementos sociais e, desta volta, contará coa participación de Carmen Armada (de Esquerda Unida), María Luisa Pollán (de Eqqus Zebra) e Ricardo Seixo, ex presidente da asociación veciñal, para iniciar o diálogo entre as asistentes.

O local da Asociación Veciñal Agra do Orzán está no número 38 da rúa Entrepenas.