Este programa está coordinado xunto á profesora Ana González Tizón e xurde da colaboración da Asociación de veciños de Oza, A Gaiteira e Os Castros e o Grupo de divulgación científica e innovación docente da Universidade da Coruña, UDCiencia i+d.

Este grupo vén desenvolvendo unha intensa actividade no campo da divulgación científica, a innovación docente e a aprendizaxe-servizo.

O programa nace con vocación de permanencia e terá lugar o último luns de cada mes ás 19h. na Biblioteca Fórum. O acceso ás charlas será libre até completar capacidade.

A programación na primavera será

• 28 de marzo: Bosques ou plantacións? A perda de biodiversidade en Galicia. A cargo de Carlos Alcalde Azpiazu e Juan Pinto Lojo
• 25 de abril: A ciencia detrás do vandalismo urbano. A cargo de Dimas López Martínez e Elba Iglesias Cambón
• 30 de maio: Enfermidades ambientais. A cargo de Ana M. González Tizón e Icía Lista Pombo

​