A Coruña, 4 de abril de 2024 - Este será o 14º poemario do autor, quen recentemente alzouse co último Premio Johan Carballeira de Poesía 2023. "831-urb" promete ser unha obra envolvente e innovadora, unha inmersión nos ambientes ciberpunk que o propio autor describe como "un exercicio arquitectónico onde o ser humano cre recoñecerse".

Manuel López Rodríguez, nacido en Noia en 1978, é un dos poetas galegos máis destacados da actualidade, acumulando unha impresionante lista de recoñecementos literarios. No último ano, recibiu o XXVII Premio Johan Carballeira de Poesía, así como o XXVII Premio de poesía Avelina Valladares, 2023 por "Fío" e o XXXVI Premio de poesía Eusebio Lorenzo Baleirón, 2023, por "Palabras do sur". No ano 2022, foi galardoado con seis importantes premios de poesía galega, demostrando a súa constante dedicación e excelencia no campo literario.

O lanzamento de "831-urb" promete ser un evento emocionante e imperdíbel para os amantes da poesía e os seguidores da obra de Manuel López Rodríguez. Non deixes pasar esta oportunidade de descubrir unha nova faceta do talento deste destacado escritor galego.