Pontón destacou a importancia destas eleccións e a necesidade de contar cun grupo galego forte no Congreso para defender os intereses de Galiza fronte ao goberno estatal. O BNG considera que a sociedade galega ten unha axenda propia e é fundamental que esta axenda sexa defendida e negociada desde un grupo parlamentario galego coas mans libres para protexer os intereses da nosa sociedade.

A líder nacionalista manifestou a súa determinación de non aceptar o guión imposto desde Madrid para estas eleccións. Enfronte dos partidos estatais que votan en contra dos intereses de Galiza no Congreso, Pontón chamou a facer valer os intereses galegos a través dun grupo galego forte en Madrid. O BNG presenta unha candidatura de país, conformada por persoas comprometidas e capaces, coa única lealdade de defender os intereses dos galegos e galegas.

Néstor Rego, Carme da Silva, Daniel Castro e Noa Presas son os e as candidatas que encabezan as listas do BNG nas súas respectivas provincias. Ana Pontón destacou as cualidades e a experiencia destas persoas, subliñando o seu compromiso e coñecemento das necesidades e desafíos que Galiza enfronta. O BNG está preparado para facer historia nas eleccións do 23X e conta co apoio dos galegos e galegas para frear un posible goberno da dereita coa extrema dereita machista e antigalega.

O Bloque Nacionalista Galego convoca á cidadanía galega a votar con cabeza e corazón en Galiza, sumando o voto galego, de país, no BNG. É o momento de poñer fin ao servilismo a Madrid e de facer valer os intereses do noso territorio para avanzar en dereitos e liberdades.