A exposición ten lugar na Facultade de Ciencias da Educación da Universidade da Coruña, no andar 0. Nesta mostra, Xoán Andrade expón unha variedade de traballos, desde cadros de humor e caricaturas ata ilustracións de materiais educativos para a lectura e escritura en galego, así como para a educación afectivo-sexual. Tamén se poden apreciar os seus debuxos para traballos históricos e etnográficos, así como deseños de logotipos e carteis.

A Asociación veciñal Agra, co apoio económico da Deputación da Coruña, reproduciu as copias dixitais escollidas polo autor, tanto ilustracións realizadas con medios tradicionais, como a tempera ou a pluma estilográfica, como pezas feitas con programas de deseño gráfico.

No que respecta á temática, destaca unha selección de cadros de humor gráfico de marcado carácter social. Un dos obxectivos do traballo de Xoán Andrade é mellorar a sociedade ilustrando as súas contradicións cun humor crítico que incita á reflexión, aínda que tamén poida arrincar un sorriso.

A exposición foi inaugurada o pasado mércores 8 de novembro ás 12:15 horas, contando coa presenza do autor no andar 0 da Facultade de Ciencias da Educación da Universidade da Coruña. As caricaturas están expostas na biblioteca, onde tamén se exhibe material do proxecto Chirlo-Merlo de lectura e escritura en galego, do cal Xoán Andrade é coautor.