O ano 2023 pechou cun saldo tráxico na actividade cinegética en España, con 14 persoas mortas e 23 feridas en incidentes relacionados coa caza, segundo datos recollidos polos colectivos Ecoloxistas en Acción Galiza Atlántica e Verde, Brigada de Defensa Animal, Plataforma Galega para a Defensa Animal e da Natureza, Plataforma Ánima Animal SJD, entre outros.
Coruña, 11 de xaneiro de 2024 - Os informes indican que 10 cazadores e 4 persoas alleas á actividade morreron a causa de disparos accidentais durante o ano pasado, ademais de 33 incidentes de diversa consideración que foron informados polos medios de comunicación.
Cataluña lidera a lista de comunidades con máis mortos, con 5 falecementos, seguida de Navarra, que rexistra 2 mortos e 1 ferido.
Unha persoa morta cada 15 días marca unha media de 2 mortos ao mes durante a tempada de caza, que se estende durante 6 meses. A falta de estudos oficiais e a escaseza de datos rigorosos por parte do Goberno aumentan a preocupación entre os defensores dos dereitos dos animais e os críticos da caza.
Os colectivos contra a caza, como Ecoloxistas en Acción e outros, realizaron unha recopilación de noticias ao longo de 2023 sobre mortes e feridos en accións de caza. Entre os incidentes máis tráxicos, destacan a morte dun veciño que paseaba polos montes de Canejan (Lleida) e outra en Arbúcies (Girona), onde unha persoa que estaba na súa casa foi alcanzada por un disparo dun cazador.
No estudo non se inclúen as mortes ou feridos por armas de caza que non están vinculadas á actividade cinegética, como o caso dun cazador que asasinou a un mozo en Posada do Bierzo (León) ou os accidentes de tráfico con animais utilizados en batidas de caza.
Demandas por Maior Seguridade na Caza
Os colectivos demandan accións inmediatas do Goberno español, especialmente do Ministerio do Interior, responsábel da regulación da posesión de armas no país. Algúns dos puntos destacados inclúen:
Estudio e estatísticas de accidentes causados por cazadores.
Considerar os accidentes de tráfico provocados por animais como incidentes cazadores.
Controis periódicos de alcol e drogas nos cotos de caza.
Exames psicotécnicos máis restritivos e periódicos.
Limitar a idade para cazar, tanto para menores como para maiores de 70 anos.
Prohibir a ensinanza do uso de armas de fogo a menores.
Aumentar a distancia de zonas de seguridade en relación a vivendas, núcleos urbanos, estradas e camiños.
Retirada da licenza de armas a quen cause mortes ou feridas a persoas ou animais non cinexéticos.
Obrigatoriedade de gardar as armas de caza nas dependencias da Garda Civil.
Retirada das armas rexistradas a nome de persoas falecidas ou sen renovar o permiso de armas.
Prohibición de accións cinexéticas en montes públicos durante fins de semana e festivos.
Os colectivos instan ao Goberno a tomar medidas urxentes para garantir a seguridade dos españois que desfrutan do campo, sen medo ás súas vidas ou a seren alcanzados por balas ou atacados por xaurías de cans de caza.
