Coordinadora Antiprivatización da Sanidade Pública

Si na marea anterior falábamos de miles de razóns polo peche de camas, esta vez temos que falar de centos de miles de razóns ante a recente publicación das listas de agarda e que, por desgraza, amosan o camiño de desmantelamento e privatización do sistema sanitario público. 

En canto a intervencións cirúrxicas na EOXI de A Coruña temos un incremento de 3.337 pacientes no último ano, pasando de 34.567 pacientes en Xuño do 2016 a 37904 en Xuño diste ano.

En canto a intervencións cirúrxicas en Galicia en Xuño do 2016 tíñamos 34567 doentes en espera e este ano temos 37904.

En canto a probas diagnósticas en Galicia tíñamos 73.457 pacientes á espera en Xuño do 2015 e agora hai 85.498, é decir, 12041 pacientes máis á espera dunha proba. 

Aínda que houbo unha baixada dende Decembro do ano pasado, asistimos a un incremento constante ao longo destes 3 ultimos anos, para ir dando entrada, pouco a pocuo ao sector privado. 

E polo que respecta a Consultas Externas tiñamos en Xuño do 2016 142.025 pacientes en espera e pasamos a 162.221 pacientes en Xuño deste ano. Un incremento de 20.196 pacientes.

Todo isto da como resultado unhas cifras escandalosas de pacientes en espera. O número total de pacientes á espera en Galicia pasan de 244.916 en Xuño do 2015 a 285.623 en Xuño diste ano. E sabemos que hai moitos mais en listas ocultas que o SERGAS non quere facilitar.

Pero todo isto obedece a unha estratexia posta en marcha en todo o estado español e na Unión Europea. E para respostar todas e todos xuntos no estado español nos organizamos na Coordinadora Estatal de Mareas Brancas. Na vindeira asamblea, que terá lugar o vindeiro 9 de setembro en Zaragoza, trataremos este e outros temas, coma os curiosos e coincidentes cambios da lexislación sanitaria que xa están anunciados en Galicia, Cataluña e Madrid. 

Una lexislación que en Galicia reduce o número de áreas sanitarias, trata de garantír a presenza do sector privado nas areas de investigación e educacion, cos orzamentos públicos, así como a degradación dos hospitais comarcais ou o establecemento de órganos de participación meramente consultivos e donde non se ten prevista a participación de diversos colectivos sociais ou cidadás. 

Por todo isto e porque a nosa sanidade pública está en perigo, animamos a toda a cidadanía a participar na vindeira Marea Branca para esixir unha sanidade 100% pública, universal, de calidade e sen repagos.