Do luns 10 ao venres 14 de decembro no Casino 1889
Semana sen fronteiras en Carballo
A “Semana sen Fronteiras” ten como obxectivo principal dar a coñecer a realidade de millares de persoas que teñen que abandonar os seus fogares fuxindo de conflitos bélicos, da fame ou de situacións de vulneración dos dereitos humanos.
Dado que normalmente o descoñecemento das cousas está na orixe do seu rexeitamento, cremos que é pola información, mellor cando é por boca dos protagonistas, por onde se debe comezar no difícil camiño da mobilización das conciencias.
O Casino1889 naceu, hai menos dun ano, con vocación de portas abertas a todas as persoas e, por iso, queremos ofrecer o noso espazo e o noso esforzo a esta iniciativa solidaria, sen dúbida ambiciosa, que xorde, precisamente, no noso propio seo, mais en colaboración cos centros educativos da vila e coas distintas institucións municipais.
PROGRAMA DAS XORNADAS
10 de decembro: AS PERSOAS e OS DD.HH.
- DÍA INTERNACIONAL DOS DD.HH.: Amnistía Internacional
- Programa radiofónico sobre migrantes en CUAC FM “Simplemente gente”
- Proxección de “Katsikas, ecos de un éxodo” e acompáñanos na reflexión o director Rodrigo Vázquez “Harry”
- Unha historia real: cruzando países e fronteiras.
