Os historiadores Emilio Garndío e Eliseo Fernández serán os encargados de impartir sendas conferencias esta semana no Ateneo Libertario Xosé Tarrío, no barrio dos Mallos, dentro do programa das Xornadas Coruña Libertaria que levarán á memoria anarquista a distintos centros sociais herdeiros desa tradición na cidade. As charlas serán o martes e o xoves, Velaquí o programa completo das xornadas:

Luns, 29 de maio. 20.00 horas. No local da Unión Anarcosindicalista (rúa Washington 36)

O tráxico maio de 1901 e outras loitas, por Rosalía Regueiro.

Martes, 30. 20.00 horas. No Ateneo Libertario Xosé Tarrío (rúa La Paz nº16)

A represión do Movemento Libertario na Coruña, por Emilio Grandío

Mércores, 31. 20.00 horas. No Centro Social Okupado A Insumisa (rúa Metrosidero sen número, frente a porta do cuartel de Atochas)

Anarquista ou nada. Mulleres libres e casas libertarias, por Carmen Blanco e Claudio Rodriguez Fer

Xoves, 1 de xuño. 20.00 horas. No Ateneo Libertario Xosé Tarrío (rúa La Paz nº16)

Os Ateneos Libertarios da Coruña, por Eliseo Fernandez

Venres, 2. 20.00 horas. No Centro Social A Comuna (rúa Verea do Polvorín 35)

De Ricardo Mella a Lois Pereiro e a maleta de Xosé Villaverde, por Iria Presa

Sábado, 3. Ás 11.00 horas. Roteiro: A libre-xeografía da Coruña, con Manuel Rivas. Saída da Dársena e remate con comida popular vegana na Praia das Lapas. Ás 20.00 horas. Documentais libertarios na Insumisa.