A Asociación Veciñal Agra celebrará un ano máis o festival “Con voz de primavera” en colaboración coa comunidade educativa do IES Agra do Orzán. Será este xoves, 7 de abril, a partir das 18:30 h. no auditorio do Centro Ágora. A entrada é de balde, para todos os públicos; a porta abre ás 18 h. e os asentos asígnanse por orde de chegada.
“Con voz de primavera” forma parte do programa “Agra no Ágora” do Concello da Coruña, que en 2022 financia a representación deEuropa entre 4 paredes pola Asociación Cultural Turbina.
Europa entre 4 paredes é unha lectura dramatizada que reúne textos de autoras de diferentes países europeos que foron convidadas para escribir sobre a vida entre catro paredes durante a pandemia e de que forma o confinamento mudou a forma de entender que significa pertencer a Europa. Entre a realidade e a ficción, os textos A voz humana (do portugués Ricardo Correia), Engordiño (da británica Deborah Pearson), Idus (da galega Vanesa Sotelo) e O mundo exterior dimo todo (da italo-austríaca Maxi Obexer) serven para revisar o pasado recente e lanzar a mirada sobre o presente.
