A Livraria Suévia celebra un ContaContos adicado ao mundo da Arte
O vindeiro sábado 12 de maio, ás 12.00h, celébrase na Livraria Suévia (r/ Vila de Negreira, 32) o ContaContos "Historias que contan os cadros". Pieter Brueghel, Canaletto, Goya, Seurat ou Miró esconderon nos seus cadros fantásticas historias. As nenas e nenos terán que fixarse nas obras para poder ir descubrindo os personaxes das historias que imos contar. Ao remate do contacontos, as nenas e nenos participarán nun obradoiro de elaboración de pulseiras co seu nome.
A Livraria Suévia celebra un ContaContos adicado ao mundo da Arte
Cartaz-Historias-que-contan-os-cadros
O ContaContos é unha adaptación de varias historias do libro "Cada cuadro con su cuento. El mundo de la pintura" de Juan Ramón Brotons da editorial Anaya. Os contos son os seguintes:
O corvo parlanchín, baseado na obra de Pieter Brueghel "Os cazadores na neve"
O grumete que quería ser como Marco Polo, baseado na obra "O gran Canal e a Igrexa da Saúde" de Canaletto.
Unha familia de fai máis de 200 anos, baseado na obra "Os duques de Osuna e os seus fillos e fillas" de Goya
As travesuras de Chispita, baseado na obra "Tarde de domingo na Illa da Grande Jatte" de Seurat
Unha lagarta moi lista, baseado na obra "A Masía" de Miró
Esta actividade busca promover o gusto pola lectura entre @s máis pequen@s e encádrase dentro do programa de actividades estables de promoción da lectura da Livraria Suévia. Ditas actividades son de balde e non é preciso inscribirse.
