O parque de As Galeras é un delicioso e coidadísimo espazo verde que permite facer un agradable paseo desde a praia de Bastiagueiro ata o porto de Santa Cruz. A ruta comeza na rúa Fieitos, na metade da baixada á praia, cunha pequena subida ata o alto de Bastiagueiro Pequeno. Desde alí pódese entrar ao parque polos camiños asfaltados ou por algún sendeiro de terra. A ruta pódese facer cómodamente a pé nunha media hora a paso lixeiro, pero paga a pena reservar máis tempo para perderse polos seus rincóns, colarse polos accesos a algunhas caliñas de rocha ou sentarse nun banco, ou mesmo sobre a herba, para contemplar as fermosas vistas sobre a baía de A Coruña, desde o faro de Mera ata a enseada de Bastiagueiro. Quen guste da arquitectura tamén poderá deterse a contemplar os chalés de deseño á carón do paseo.
