Xulio Ferreiro deu a coñecer esta tarde, nun encontro coa mareancia, os nomes que o acompañan na súa candidatura ás primarias da Marea Atlántica. No acto, celebrado na Libraría o Fiandón, presentou esta lista de 20 persoas, 11 mulleres e 9 homes:

1. Xulio Ferreiro: Alcalde da Coruña. Alcalde da Coruña. Profesor titular de Dereito e maxistrado suplente da Audiencia Provincial de Lugo. Dos Mallos, da Gaiteira e socio do Dépor.
2. María García: Concelleira de Medio Ambiente.
3. Xiao Varela: Concelleiro de Rexeneración Urbana.
4. Silvia Cameán: Concelleira de Xustiza Social.
5. Alberto Lema: Concelleiro de Economía Social e Emprego.
6. Claudia Delso: Concelleira de Participación.
7. Iago Martínez: Xefe de Gabinete da Alcaldía do Concello da Coruña e membro da Coordinadora da Marea Atlántica.
8. Isabel Faraldo, traballadora do Servizo Galego de Saúde coruñesa dos Mallos e activista en defensa do dereito á sanidade pública, gratuíta e universal.
9. Susana Soneira: Decana do Colexio de Graduados Sociais da Coruña e Ourense, e vicepresidenta do Consello Xeral de Graduados Sociais de España.
10. Javier Pérez: Profesor de Formación e Orientación Laboral no CIFP Anxel Casal – Monte Alto.
11. Natalia Balseiro: Profesional do eido cultural, durante 13 anos na administración pública e outros cinco como independente.
12. Adrián García Seijas: Formado en Ciencias Políticas e Asesoramento Xurídico en Medio Ambiente. Traballador en precario do telemárketing. Integrante do comité de empresa de Extel na Coruña.
13. Leticia Barbadillo: Comunicadora e profesora en formación. Comunicadora. Futura mestra. Activista pola educación pública e os dereitos das persoas diversofuncionais.
14. Mariano Fernández Cabarcos: Autoempregado da xestión cultural e socio fundador de CUAC FM.
15. Gema Rivera: Enfermeira e xubilada. De familia de xente do Mar. Sindicalista. Comprometida na comunidade educativa.
16. Antía Garrote: titulada en Humanidades e traballadora en precario. Vencellada aos movementos estudantís por un ensino público de calidade.
17. Rubén Pérez: Activista dos dereitos e o benestar animal. Impulsor da eliminación das touradas na Coruña.
18. Ángeles Huerta: cineasta, profesora da Escola de Idiomas da Coruña, doutora en Literatura Comparada e premio Mestre Mateo 2017 ao mellor documental.
19. Ricardo Cao: Catedrático de Estatística na UDC, da que foi vicerreitor entre 2012 e 2015. Defensor da universidade pública.
20. Stephanie Ordóñez: Xornalista. Licenciada en Filoloxía Hispánica. Activista social e ecoloxista.

Unha lista de consenso e con vocación de goberno

Os nomes desta candidatura xurdiron do proceso participativo que se abriu o 7 de xaneiro, con catro encontros abertos a todas as asinantes do manifesto, nos que Xulio Ferreiro recolleu ideas, perfís e criterios para elaborar a súa candidatura. Tamén se habilitou unha caixa de correo electrónico para recoller propostas e suxestións. En total, foron máis de 200 persoas as que sumaron a súa voz neste innovador proceso.

Deste xeito, deuse un debate plural e transparente no seo da Marea Atlántica, no que todas as voces foron escoitadas, no que houbo representación de todas as sensibilidades e na que se reforza a aposta pola cooperación iniciada en 2015.

“Quixen que esta candidatura reflectise a enorme e rica diversidade da Marea Atlántica e da Coruña. Quixen que fose unha candidatura de entendemento en tempos de confrontación, de esperanza en tempos de desilusión, transformadora en tempos de inmobilismo. Unida, ilusionada e coa forza da xente do común. E que revalida a unidade ampla das forzas do cambio. Así vai ser o próximo goberno municipal da Coruña”, declarou Xulio Ferreiro.

Na presentación, o candidato agradeceu os apoios e a confianza recibida durante o proceso de elaboración da candidatura e tivo unhas palabras tamén para as persoas que non continuarán en María Pita no vindeiro mandato, Rocío Fraga, José Manuel Sande, Eugenia Vieito e Daniel Díaz Grandío: “As compañeiras que marchan xa son parte da transformación que iniciamos. Se non é no Pazo, seguiremos con elas na praza, coma sempre. Grazas por ter sido tan inmenso motor de cambio”.

Calendario de primarias

• 4 a 6 de febreiro: Subsanación de erros nas candidaturas.
• 7 de febreiro: Proclamación definitiva de candidaturas e peche do prazo para solicitar o voto telemático.
• 10:00 h do 8 de febreiro: Inicio da campaña electoral.
• 23:59 h do 14 de febreiro: Fin da campaña electoral.
• 10:00 h do 15 de febreiro: Inicio das votacións. Serán de xeito presencial no local da Marea, e telemáticas só para quen o solicitara.
• 21:59 h 17 de febreiro: Remate das votacións.
• 18 de febreiro: Publicación provisional dos resultados das primarias.
• 19 e 20 febreiro: Período de reclamacións.
• 21 de febreiro: Rede e proclamación dos resultados definitivos.
• 28 de marzo: Rede para escoller os últimos postos da lista, reservados a persoas notables.