A Renda Básica Universal e Incondicional (RBUI) non é só unha ferramenta que palia as formas máis groseiras de violencia económica, que se manifestan na pobreza, a explotación, a desigualdade, o traballo infantil, etc., senón tamén, de forma transversal, axudaría a diminuír outras formas de violencia, como a física, psicolóxica, sexual, racial, etc.
A RBUI é unha asignación monetaria que calquera persoa recibiría polo só feito de existir.
As súas características son:
Individual. A todos e cada un dos individuos. A RBUI sería recibida polos residentes censados nun determinado territorio.
Incondicional. Non hai que cumprir ningún requisito para recibila.
Suficiente. Que sirva para cubrir as necesidades básicas.
Universal. A RBUI debe ser considerada como un dereito humano universal, polo que ha de ser concedida a todas e cada unha das persoas. Debe, por tanto, implementarse a nivel mundial.
Colectivos Cidadans RBU está a divulgar o seguinte vídeo no que diversos intelectuais galegos argumentan a favor da Renda Básica
Actualmente está en marcha unha iniciativa cidadá europea: "Implantación de rendas básicas incondicionais (RBI) en toda a UE". O seu obxectivo é a implantación de rendas básicas incondicionais en toda a UE que garantan a cada persoa a súa existencia material e a oportunidade de participar na sociedade como parte da súa política económica. Este obxectivo deberá alcanzarse respectando as competencias atribuídas á UE polos Tratados.
Obxectivos:
Solicitamos á Comisión que presente unha proposta de rendas básicas incondicionais en toda a Unión, que reduzan as disparidades rexionais co fin de reforzar a cohesión económica, social e territorial na Unión.
Isto fará realidade o obxectivo da declaración conxunta do Consello Europeo, o Parlamento Europeo e a Comisión Europea, anunciada en 2017, de que «a UE e os seus Estados membros apoiarán así mesmo uns sistemas de protección social eficientes, sostibles e equitativos a fin de garantir unha renda básica» para loitar contra a desigualdade.
O Colectivo Renda Básica da Coruña apoia esta iniciativa ciudadana e fai campaña para lograr o millón de firmas necesario antes do 25 de decembro para que se tramite.
